Ceacht: ‘Botijo’ a dhéanamh agus foghlaim faoin oidhreacht

Is iontach an t‑ábhar ceardaíochta é an ‘botijo’ (crúscóir cré-earra), píosa potaireachta tipiciúil ón Spáinn, a bhfuil stair shaibhir aige agus feidhm phraiticiúil a bhfuil meas mór uirthi, go háirithe in áiteanna teo. Déantar cur síos sa cheacht seo ar conas an ‘botijo’ a chruthú agus foghlaim faoin Oidhreacht Chultúir Dholáimhsithe a bhaineann leis.

Líon idéalach rannpháirtithe: 5–15.

Fad: 60 nóiméad don chriadóireacht, 5 nóiméad chun taithí a roinnt.

Ábhair atá de dhíth: Cré, uirlisí ceirmeacha, páipéar, peann luaidhe agus taifeadán le haghaidh comhráite, ‘botijo’ le taispeáint más féidir.

Treoracha céim ar chéim

1. Taispeáin ‘botijo’ traidisiúnta: Tosaigh trí ‘botijo’ traidisiúnta a thaispeáint agus an fheidhm agus an próiseas cruthaithe a bhaineann leis a mhíniú.
2. Ullmhaigh na hábhair: Déan cinnte go bhfuil na comhábhair riachtanacha uilig in aice láimhe. Áirítear leis sin cré, uirlisí potaireachta, páipéar, peann luaidhe agus taifeadán le haghaidh comhráite.
3. Ag cruthú an ‘botijo’: Déanann na rannpháirtithe iarracht a ‘botijo’ féin a chruthú le cré, agus teicnící traidisiúnta á leanúint acu: an phríomhchuid den chorp a chruthú ar dtús, ansin an teilgean inmheánach, dhá pholl agus lámh. D’fhéadfaí a áireamh leis sin an chré a mhúnlú, mionghnéithe a chur léi agus an ‘botijo’ a ullmhú lena thriomú agus lena bhácáil. Léigh mionsonraithe na gcéimeanna anseo.
4. Taithí a roinnt: Nuair a bheidh na rannpháirtithe críochnaithe lena ‘botijos’ a chruthú, ba cheart dóibh a dtaithí a roinnt. D’fhéadfadh go n‑áireofaí leis seo plé a dhéanamh ar na deacrachtaí agus na héachtaí a bhain dóibh agus iad ag réiteach an ‘botijo’.
5. Machnamh a dhéanamh ar luach cultúrtha: Ar deireadh, ba cheart do na rannpháirtithe machnamh a dhéanamh ar luach cultúrtha an ‘botijo’ agus ar a thábhachtaí atá sé na teicnící traidisiúnta seo a chaomhnú. D’fhéadfadh plé a bheith i gceist leis seo ar an tábhacht a bhaineann le ‘botijos’ i gcultúr Valencia agus i gcultúr na Spáinne agus ar an dóigh ar scaipeadh an t‑eolas a bhaineann leo ó ghlúin go glúin.